மெய்ப்பொருள் காண்பது அறிவு

400 கடற்படை வீரர்களுக்கு பரிசோதனை – கொரோனா இன்றைய நிலவரம்…!

- Advertisement -

நாட்டில் கொரோனா தொற்றினால் பாதிக்கப்பட்டவர்களின் எண்ணிக்கை 420 ஆக உயர்வடைந்துள்ளது.

கொரோனா தொற்றுக்குள்ளான மேலும் மூவர் இன்று காலை அடையளம் காணப்பட்டதை தொடர்ந்து இவ்வாறு பாதிக்கப்பட்டவர்களின் எண்ணிக்கை அதிகரித்துள்ளது.

- Advertisement -

சுகாதார அமைச்சின் தொற்று நோயியல் பிரிவு இன்று விடுத்துள்ள அறிக்கையில் இந்த விடயம் தெரிவிக்கப்பட்டுள்ளது.

அத்துடன் மேலும் 7 பேர் கொரோனா தொற்றில் இருந்து குணமடைந்துள்ளதாகவும் தேசிய தொற்றுநோய் பிரிவு அறிவித்துள்ளது.

இந்த நிலையில், கொரோனா தொற்றுக்குள்ளாகி இதுவரை 116 பேர் குணமடைந்துள்ளதுடன், 294  பேர் தொடர்ந்தும் சிகிச்சை பெற்று வருவதாக சுகாதார அமைச்சின் தொற்று நோய்பிரிவு சுட்டிக்காட்டியுள்ளது.

இதேவேளை, நாட்டில் ஒரேநாளில் அதிக கொரோனா தொற்றாளர்கள் அடையாளம் காணப்பட்ட தினமாக நேற்றைய தினம் பதிவாகிருந்தது.

நேற்றைய தினம் 30 கடற்படை வீரர்கள் உள்ளடங்களாக 49 பேர் மொத்தமாக அடையாளம் காணப்பட்டமை  சுட்டிக்காட்டத்தக்கது.

குறிப்பாக, வெலிசறை கடற்படை முகாமில் கடமையாற்றும் மேலும் 30 பேருக்கு கொரோனா தொற்று இருப்பது நேற்றைய தினம் உறுதிசெய்யப்பட்டதை தொடர்ந்து

கொரோனா தொற்றினால் பாதிக்கப்பட்ட கடற்படை வீரர்களின் எண்ணிக்கை 60 ற்கும் மேற்பட்டதாக உயர்வடைந்தது.

இதில், இரத்தினபுரி, குருநாகல், பொல்கஹவெல, பதுளை மற்றும் தம்புள்ளை ஆகிய பகுதிகளில் இருந்த கடற்படை வீரர்களும் அடையாளங் காணப்பட்டுள்ளமை சுட்டிக்காட்டத்தக்கது.

இதேவேளை, மேலும் 400 கடற்படை வீரர்களுக்கு இன்றைய தினம் PCR பரிசோதனை முன்னெடுக்கப்படவுள்ளதாக சுகாதார சேவைகள் பணிப்பாளர் நாயகம் விசேட வைத்திய நிபுணர் அனில் ஜாசிங்க தெரிவித்துள்ளார்.

ஏற்கனவே அடையாளம் காணப்பட்ட கொரோனா தொற்றுடைய வீரர்களுடன் தொடர்புடைய 400 வீரர்களுக்கே இவ்வாறு பரிசோதனை முன்னெடுக்கப்படவுள்ளது.

மேலும், கடற்படை வீரர்களுக்கு பயணக் கட்டுபாடுகளும் விதிக்கப்பட்டுள்ளதாக தகவல்கள் வெளியாகியுள்ளன.

அத்துடன், வெலிசறை   கடற்படை முகாமில் இருந்து விடுமுறையில் சென்றிருந்த கடற்படை உறுப்பினர்கள் நால்வர் இரத்தினபுரி வைத்தியசாலையில்  PCR  பரிசோதனைக்கு உட்படுத்தப்பட்டுள்ளனர்.

வெலிசறை கடற்படை முகாம்  உறுப்பினர்கள்  நால்வர்  கடந்த மூன்று தினங்களுக்கு முன்னர் விடுமுறை  நிமித்தம் பலாங்கொடை பகுதிக்கு சென்றிருந்ததாகவும்  இந்த நிலையில் அவர்களுள் மூவர் PCR  பரிசோதனைக்குட்படுத்தப்பட்டுள்ளதாக பலாங்கொடை பொதுசுகாதார பரிசோதகர் தெரிவித்துள்ளார்.

இந்த நிலையில் மற்றைய நபர் சுயதனிமைப்படுத்தல் செயற்பாட்டை முன்னெடுத்துள்ளதாகவும் குறிப்பிட்டுள்ளார்.

இதேவேளை குறித்த கடற்படை உறுப்பினர்களுடன் தொடர்புடைய மேலும் 30 பேர் சுயதனிமைப்படுத்தலில் ஈடுபடுத்தப்பட்டுள்ளனர்.

தொடர்புபட்ட செய்திகள்

Related News

பரந்தன் – பூநகரி பிரதான வீதி பூட்டப்பட்டது!

கிளிநொச்சி, பரந்தன் - பூநகரி வீதியூடான போக்குவரத்துக்கள் முற்றாகத் தடை செய்யப்பட்டுள்ளதாக கிளிநொச்சி வீதி அபிவிருத்தி அதிகார சபையின் நிறைவேற்றுப் பொறியியலாளர்  சி.எம். மொறாய்ஸ் தெரிவித்துள்ளார். இதன்படி பரந்தன் பூநகரி வீதியூடாக எதிர்வரும் மூன்றாம்...

தொழில் பிணக்குகள் தொடர்பில் தோட்ட நிர்வாகங்கள் ஒழுங்காகச் செயற்படவில்லை : அரவிந்தகுமார்!

தொழில் பிணக்குகள் தொடர்பில் தோட்ட நிர்வாகங்கள் முறையற்ற போக்கை கடைப்பிடித்து வருவதாக நாடாளுமன்ற உறுப்பினர் அருணாசலம் அரவிந்தகுமார் குறிப்பிட்டுள்ளார். பதுளையில் இன்று நடைபெற்ற நிகழ்வொன்றில் கலந்துக்கொண்டு கருத்து தெரிவிக்கும் போதே அவர் இதனைக் குறிப்பிட்டார்.   CAPITAL...

வீதியை புனரமைத்து தருமாறு கோரி மடுல்சீமை மக்கள் ஆர்ப்பாட்டம்!

மடுல்சீம - மாதோவ பிரதேச மக்கள் இன்று ஆர்ப்பாட்டம் ஒன்றினை முன்னெடுத்திருந்தனர். மடுல்சீம - பசறை பிரதான வீதியை புனரமைத்து தருமாறு கோரியே இந்த ஆர்ப்பாட்டம் முன்னெடுக்கப்பட்டது. மருத்துவ தேவைகளுக்காக பயணிப்போர், பாடசாலை மாணவர்கள் என...

கொக்குப்படையான் கிராம மக்களால் கவனயீர்ப்பு போராட்டம் முன்னெடுப்பு!

கொக்குப்படையான் மீனவக் கிராமம்  கடலரிப்பினால் மூழ்கும் நிலையில் உள்ளதாக பிரதேச மக்கள் குறிப்பிட்டுள்ளனர். மன்னார் முசலி பிரதேசச் செயலாளர் பிரிவுக்குற்பட்ட  கொக்குப்படையான் மீனவக் கிராமம்  கடலரிப்பினால் மூழ்கும் நிலையில் உள்ளது எனவும், விரைந்து நடவடிக்கை...

கொரோன தொற்றுக்குள்ளான மேலும் இருவர் அடையாளம்!

கொரோன வைரஸ் தொற்றுக்குள்ளான மேலும் இருவர் அடையாளம் காணப்பட்டுள்ளனர். ஓமான் நாட்டில் இருந்து நாடு திரும்பியவர்களே இவ்வாறு கொரோனா வைரஸ் தொற்றுக்குள்ளானதாக அடையாளம் காணப்பட்டுள்ளனர். அரசாங்கத் தகவல் திணைக்களம் வெளியிட்டுள்ள அறிக்கையிலே இந்த விடயம் தெரிவிக்கப்பட்டுள்ளது. இதற்கமைய,...

Developed by: SEOGlitz